Ein gweledigaeth
Mae cynaliadwyedd yn ymwneud â gwella ansawdd bywyd mewn ffordd nad yw'n achosi difrod parhaol i'r amgylchedd nac yn atal cenedlaethau'r dyfodol rhag manteisio ar y pethau da yr ydym wedi dod yn gyfarwydd â nhw.
Ein gweledigaeth yw creu amgylchedd gwell i'n cymunedau. Rydym yn gwneud hyn trwy gofleidio cynaliadwyedd amgylcheddol ar draws y Gwasanaeth cyfan.
Rydym yn lleihau ein defnydd o ynni bob blwyddyn ac yn gweithio tuag at anfon dim gwastraff i safleoedd tirlenwi.
Mwy o wybodaeth
Crynodeb gweithredol
Mae'r Adroddiad hwn yn cwmpasu'r cyfnod ariannol 2020/21 ac yn crynhoi cyflawniadau a wnaed yn ystod un o'n blynyddoedd mwyaf heriol. Mae'n amlinellu ein perfformiad amgylcheddol yn ystod y flwyddyn ddiwethaf a'r cynnydd tuag at ein hamcanion Amgylcheddol.
Yn ogystal ag amlygu ein cyflawniadau amgylcheddol dros y flwyddyn ddiwethaf, mae'r adroddiad hwn hefyd yn amlinellu ein prosiectau cynaliadwyedd gyda'r nod o leihau ein hôl troed carbon, fel ein Cerbydau Allyriadau Isel Iawn (ULEV).
Ein hymrwymiadau
Yn ystod yr amser hwn, gwnaethom barhau i ymrwymo i'n gweledigaeth o ragoriaeth ac i ddod yn sefydliad o safon fyd-eang.
Rydym hefyd yn cydnabod pwysigrwydd cynyddol yr angen i ddiogelu'r amgylchedd a gwarchod ei adnoddau gwerthfawr.
Gwasanaeth sy'n amgylcheddol gyfrifol
Ein Perfformiad
Fel Gwasanaeth, rydym yn ceisio gwella ein heffaith amgylcheddol a'n perfformiad yn barhaus. Er mwyn ein helpu i gyflawni ein nodau amgylcheddol, rydym yn defnyddio monitro a hyfforddi gweithredol parhaus.
Mwy o wybodaeth
Ein hamcanion
Mae'r Gwasanaeth wedi ymrwymo i integreiddio arfer gorau amgylcheddol i'n holl weithgareddau. Rydym yn derbyn ein cyfrifoldebau amgylcheddol ac yn cydnabod ein rhwymedigaeth i leihau ein heffaith amgylcheddol ar ein cymunedau.
