Ein Taith Ddiwylliannol

Mae Gwasanaeth Tân ac Achub Canolbarth a Gorllewin Cymru a Gwasanaeth Tân ac Achub Gogledd Cymru wedi wedi cyhoeddi Adroddiadau Adolygiad Diwylliannol Annibynnol, gan Crest Advisory.



Ddydd Mercher, Chwefror 5ed, 2025, cyhoeddodd Gwasanaethau Tân ac Achub Gogledd Cymru a Chanolbarth a Gorllewin Cymru eu hadroddiadau terfynol o Adolygiad Annibynnol o Ddiwylliant a gomisiynwyd ar y cyd, a hwyluswyd gan Crest Advisory.  

Mae hyn yn garreg filltir arwyddocaol yn ymrwymiad parhaus y Gwasanaethau Tân ac Achub i feithrin diwylliant gweithle cefnogol, cynhwysol, a blaengar. 

Roedd yr adolygiad, a gychwynnwyd mewn ymateb i gymeradwyaeth Llywodraeth Cymru o gynigion gwella diwylliannol y Gwasanaethau Tân ac Achub, yn asesu'r cynnydd a wnaed wrth greu amgylcheddau gweithle cadarnhaol a nodi cyfleoedd ar gyfer datblygu pellach. 

Mae'n cynrychioli dechrau pennod newydd yn esblygiad diwylliannol Gwasanaethau Tân ac Achub Gogledd Cymru a Chanolbarth a Gorllewin Cymru. Drwy weithredu'r argymhellion hyn, mae'r gwasanaethau tân ac achub yn ailddatgan eu hymroddiad i greu gweithle lle mae pob gweithiwr yn teimlo eu bod yn cael eu gwerthfawrogi, eu clywed a'u grymuso, ac i wella'r gwasanaethau a ddarperir i'w cymunedau. 

Adolygiad Diwylliannol Annibynnol Gwasanaeth Tân ac Achub Canolbarth a Gorllewin Cymru

DARLLENWCH YR ADRODDIAD YMA


Prif Ganfyddiadau ac Argymhellion 

Mae'r adolygiad annibynnol yn tynnu sylw at lwyddiannau a meysydd ar gyfer twf, gan ddarparu map ffordd ar gyfer gwella diwylliant sefydliadol a lles staff. Mae'r canfyddiadau'n tanlinellu ymdrechion parhaus y gwasanaethau tân ac achub i sicrhau bod eu gweithleoedd yn adlewyrchu gwerthoedd diogelwch, cynhwysiant a gwasanaeth cymunedol. 

 

Camau Nesaf  

Gyda'r adroddiadau bellach wedi'u cyhoeddi, bydd y Gwasanaethau Tân ac Achub yn cychwyn ar gam nesaf eu teithiau diwylliannol a fydd yn cynnwys: 

  • Troi argymhellion yr adroddiad yn gamau gweithredu a fydd yn arwain gwelliannau i ddiwylliant yn y gweithle. 
  • Ymgysylltu â staff a rhanddeiliaid ar bob lefel i feithrin ymwybyddiaeth a chyfranogiad, sy’n sicrhau bod newid yn ystyrlon ac yn adlewyrchu anghenion pawb. 
  • Cynnal tryloywder ac atebolrwydd trwy ddiweddariadau rheolaidd a chyfleoedd adborth gyda staff a rhanddeiliaid ehangach. 


Cefndir

Daw’r Adolygiad ar ôl i Lywodraeth Cymru dderbyn, ym mis Mawrth 2024, gynnig gan y Gwasanaethau Tân ac Achub i wella dealltwriaeth o’r cynnydd mewn gwelliannau i ddiwylliant sefydliadol y gwasanaeth.  Roedd y cynnig yn sail i ddatganiad gan y Dirprwy Weinidog Partneriaeth Gymdeithasol ar y pryd, Hannah Blythyn AS.

Ym mis Awst 2024, lansiwyd cyfnog ymgysylltu i glywed barn a phrofiadau byw yr holl staff presennol a chyn-staff a oedd dal mewn cyflogaeth ar ôl Mehefin 1af, 2021.  Bu’r cyfnod ymgysylltu yn cynnwys arolwg ar-lein, cyfweliadau a grwpiau ffocws.

 

Ynglŷn â'r Adolygiad 

Cynhaliodd Crest Advisory, arbenigwyr mewn diwylliant sefydliadol, yr adolygiad gyda mewnbwn gan staff, cyrff cynrychioliadol a rhanddeiliaid eraill. Roedd y broses yn cynnwys arolygon, cyfweliadau a grwpiau ffocws i gael dealltwriaeth gynhwysfawr o'r diwylliant gweithle presennol. 

Mae gwybodaeth gan Crest Advisory am yr adolygiad ar gael yma. 

Gwasanaeth Tân ac Achub Canolbarth a Gorllewin Cymru yn penodi Senseia i Gefnogi ei Daith Tuag at Drawsnewid Diwylliannol

Mae Gwasanaeth Tân ac Achub Canolbarth a Gorllewin Cymru yn falch o gyhoeddi penodiad Senseia, ymgynghoriaeth newid diwylliannol annibynnol, fel rhan o'i ymrwymiad i wella diwylliant sefydliadol ac effeithiolrwydd gweithredol.

Darllenwch Fwy Yma