Darganfyddwch a yw bod yn Ddiffoddwr Tân yn iawn i chi!
Wedi bod yn meddwl am ddod yn ddiffoddwr tân ers tro? Efallai nad ydych wedi llwyddo i fynd amdani eto! Mae mynd i Ddiwrnod Profiad y Gwasanaeth Tân yn ffordd wych o’ch helpu i wneud penderfyniad gwybodus cyn mynd ati i wneud cais.
Er bod angen cofrestru neu fynegi diddordeb ymlaen llaw ar gyfer rhai, mae eraill yn fwy anffurfiol ac ar ffurf diwrnod agored.
Y naill ffordd neu'r llall, eu diben yw meithrin ymwybyddiaeth ac annog aelodau'r gymuned i weld a oes ganddynt yr hyn y mae ei angen i ymuno â'r Gwasanaeth Tân ac Achub.
Mae manteision gweithio gyda ni yn cynnwys
Cyfeillgar i deuluoedd
Oriau gweithio hyblyg
Disgowntiau i drydydd partïon
Gwyliau blynyddol rhagorol
Beth sy'n digwydd yn ystod Diwrnod Profiad y Gwasanaeth Tân?
Y nod yw darparu awyrgylch hamddenol, cyfeillgar lle gall aelodau o'r cyhoedd sydd â diddordeb roi cynnig ar agweddau gwahanol ar y swydd.
Bydd diffoddwyr tân Amser Cyflawn neu Ar Alwad cyfredol ar gael ar gyfer sgyrsiau anffurfiol am eu cyfrifoldebau o ddydd i ddydd a realiti’r proffesiwn. Ar gyfer diwrnodau profiad lle mae angen cofrestru eich presenoldeb ymlaen llaw, yn aml bydd yna sesiwn holi ac ateb ddynodedig gyda'r criw, y timau recriwtio a'r staff adnoddau dynol.
Diwrnodau Profiad
A ydych yn meddwl bod gennych yr hyn y mae ei angen? Beth am archebu lle ar un o'n diwrnodau profiad?
Noder: Bydd y system archebu yn mynd yn fyw yr wythnos yn arwain at bob Diwrnod Profiad, a bydd yn cau ddeuddydd cyn y digwyddiad.
| Pryd | Ble | Amser | Sut i wneud cais |
| 09/08/2023 | Canolfan Hyfforddi Earlswood, Jersey Marine, Abertawe, SA10 6NG | 09:30 i 12:30 | Archebwch Nawr. |
| 12/08/2023 | Canolfan Hyfforddi Earlswood, Jersey Marine, Abertawe, SA10 6NG | 14:00 i 17:00 | Archebwch Nawr. |
| 22/08/2023 | Canolfan Hyfforddi Earlswood, Jersey Marine, Abertawe, SA10 6NG | 09:30 i 12:30 | Archebwch Nawr. |
| 31/08/2023 | Gorsaf Dân Hwlffordd, 49 Merlins Hill, Hwlffordd, Sir Benfro SA61 1PE | 09:30 i 12:30 | Archebwch Nawr. |
Yr hyn y gellir ei ddisgwyl
Nod ein Diwrnod Blasu teirawr o hyd yw i chi ddysgu am yr amrywiol rolau a'r gofynion mynediad yn y Gwasanaeth Tân, ac am y rôl ehangach y mae'r Gwasanaeth Tân yn ei chwarae yn y gymuned, gan gynnwys:
- rôl diffoddwr tân modern
- gwisgo cit a chyfarpar diffodd tanau amdanoch
- gwahanol agweddau'r broses recriwtio
- pwysigrwydd ffitrwydd a chynnal ffitrwydd
- y gwahanol fathau o gyfarpar a chyfarpar diogelu personol
- llwybrau gyrfa a mapiau rolau
