Ar y Ffordd

Gwiriad P.O.W.D.E.R.S;

Betrol (Petrol)

Cadwch eich tanc o leiaf chwarter llawn rhag ofn i chi redeg allan o betrol yn ystod eich siwrnai. Bydd hyn yn eich atal rhag torri i lawr ar ffordd brysur neu ar draffordd a pheryglu’ch hun ac eraill.

Olew (Oil)

Rhaid i chi wneud yn siŵr bod gennych ddigon o olew rhag ofn i’ch injan gloi a thorri i lawr.

Dŵr (Water)

Gwnewch yn siŵr bod gennych ddigon o oerydd.

Gwnewch yn siŵr bod gennych chi ddigon o hylif golchi sgrin fel y gallwch lanhau’ch eich sgrin wynt a gweld y ffordd o’ch blaen yn glir. 

Cadwch botel o ddŵr yn y cerbyd rhag argyfwng.

Difrod (Damage)Gwiriwch rhag difrod, yn cynnwys weipars.

Trydan (Electric)

Gwiriwch fod eich goleuadau’n gweithio - maent yn bwysig i chi a gyrwyr eraill  fel y gallant ddeall sut yr ydych chi’n gyrru’ch cerbyd a beth yr ydych chi am ei wneud nesaf.

Rwber (Rubber)

Mae’r gyfraith yn dweud bod rhaid i’ch teiars fod â dyfnder o 1.6mm o leiaf.

1.0mm ydi’r isafswm dyfnder ar gyfer beiciau modur yn y DU. Gwiriwch eich teiars rhag craciau am nad ydynt wedi cael eu defnyddio neu am eu bod yn hen. Gallwch gael dirwy o £2,500 a 3 pwynt ar eich trwydded os ydi’ch teiars yn anghyfreithlon.

Fe all gyrru gyda gormod neu dim digon o aer yn eich teiars effeithio ar eich pellter brecio, llywio, effeithlonrwydd tanwydd ac oes eich teiars.

Chi eich hun (Self)

Gwnewch yn siŵr nad ydych wedi blino ac nad ydych dan ddylanwad alcohol neu gyffuriau.  Cynlluniwch eich siwrnai a threfnwch egwyliau