Mae Tîm USAR Cymru wedi'i leoli yng Nghanolfan Cydnerthedd Cenedlaethol Cymru yng Ngorsaf Dân yr Eglwys Newydd a Chanolfan Hyfforddiant Tân Earlswood GTACGC, ac mae’n un o'r 20 Tîm USAR sydd wedi'u lleoli’n strategol ledled Cymru a Lloegr. Fe’u darperir o dan Raglen Dimensiwn Newydd Llywodraeth y DU.
Mae gan Dîm USAR Cymru amrywiaeth o sgiliau, asedau a cherbydau i gynorthwyo ag ymateb i ddigwyddiadau, gan gynnwys uned cŵn, technegau gosod ategion, dronau a mwy.
Mae Tîm USAR Cymru ar alwad 24 awr y dydd, 365 diwrnod y flwyddyn i ymateb i ddigwyddiadau a thrychinebau ledled y DU, i ddarparu gwasanaeth chwilio ac achub ac i gefnogi ymdrechion dyngarol.
Cliciwch yma i gysylltu â Thîm USAR Cymru am fwy o wybodaeth.