Y Nadolig gyda'r #GwiwerYGwasanaeth

Bydd Gwasanaeth Tân ac Achub Canolbarth a Gorllewin Cymru (GTACGC) yn lansio ei ymgyrch '12 Diwrnod o Negeseuon Diogelwch Nadolig' er mwyn rhannu negeseuon Nadoligaidd a chyngor diogelwch hanfodol ym mis Rhagfyr – wedi’u cyflwyno gan #GwiweryGwasanaeth.



Awgrym Nadoligaidd gan #GwiwerYGwasanaeth i’ch Cadw’n Ddiogel Dros y Nadolig Eleni!



Bydd Gwasanaeth Tân ac Achub Canolbarth a Gorllewin Cymru (GTACGC) yn lansio ei ymgyrch '12 Diwrnod o Negeseuon Diogelwch Nadolig' er mwyn rhannu negeseuon Nadoligaidd a chyngor diogelwch hanfodol ym mis Rhagfyr – wedi’u cyflwyno gan #GwiweryGwasanaeth.

Wrth i'r Nadolig nesáu, gall y nosweithiau oerach a’r costau ynni uwch olygu bod mwy a mwy o aelwydydd yn defnyddio gwresogwyr cludadwy, canhwyllau, a goleuadau addurniadol. Ac er bod y rhain yn cynhesu ac yn disgleirio, maen nhw hefyd yn cynyddu'r risg o danau ac o ddamweiniau. Mae GTACGC eisiau helpu teuluoedd i gael Nadolig diogel a dedwydd.

Gan ddechrau ddydd Gwener, 12 Rhagfyr, bydd #GwiweryGwasanaeth yn rhannu 12 awgrym diogelwch hanfodol ar Facebook ac Instagram ar lawer o themâu, gan gynnwys:

  • Diogelwch Tân yn y Cartref
  • Diogelwch Tân Trydanol
  • Diogelwch wrth Goginio
  • Diogelwch Canhwyllau
  • Ymwybyddiaeth o Yfed a Gyrru

Dywedodd Peter Greenslade, Pennaeth Corfforaethol Risg Gymunedol:



"Rydyn ni’n gwybod bod teuluoedd ar draws Canolbarth a Gorllewin Cymru’n paratoi ar gyfer prysurdeb a hwyl y Nadolig, ond hawdd anghofio hanfodion diogelwch yn y cartref pan fyddwch chi’n ymlacio gyda’ch ffrindiau a’ch teulu. Rydym yn gobeithio bod defnyddio #GwiweryGwasanaeth i rannu ein negeseuon yn ffordd hwyliog ac ysgafn o sicrhau nad yw diogelwch yn cael ei anghofio.

"Daw peryglon eraill yn gwmni i’r gaeaf hefyd, gan gynnwys tymheredd rhynllyd a ffyrdd rhewllyd. Mae GTACGC yn annog pawb i sicrhau bod eu larymau mwg yn gweithio, eu hoffer gwresogi yn cael gwasanaeth a bod cerbydau mewn cyflwr da i’w gyrru. Mae archwiliadau Diogel ac Iach am ddim ar gael i roi cyngor a gosod larymau mwg am ddim."




Cymerwch Ran!

Ymunwch yn hwyl ein Cystadleuaeth Lliwio Nadoligaidd!

  • Lawrlwythwch daflen liwio #GwiweryGwasanaeth oddi ar ein gwefan i’w argraffu (LINK)
  • Ewch â’r daflen orffenedig i’ch gorsaf dân leol neu anfonwch gopi i pressofficer@mawwfire.gov.uk
  • Bydd pob llun yn cael ei arddangos yn falch, a bydd un enillydd lwcus o bob Adran (De, Gorllewin, Gogledd) yn ennill taleb Amazon gwerth £30!

Rhaid danfon eich lluniau erbyn dydd Llun, 22 Rhagfyr, a bydd yr enillwyr yn cael eu cyhoeddi ar Facebook ddydd Mercher, 24 Rhagfyr.

Cadwch mewn cysylltiad a dilynwch ni i gael diweddariadau dyddiol ac awgrymiadau diogelwch:

Facebook - @mawwfire
Instagram - @mawwfire_rescue

Mae #GwiweryGwasanaeth eisiau eich amddiffyn chi a’ch teulu dros y Nadolig!

 Taflenni Lliwio