Swyddi gwag cyfredol

Ar hyn o bryd mae gennym gyfleoedd ar gyfer Diffoddwyr Tân Ar Alwad yn y gorsafoedd canlynol:

Rhanbarth y Gogledd

Ceredigion
Aberystwyth
Tregaron
Cei Newydd
Aberaeron
Llanbedr Pont Steffan
Aberteifi
Borth

Powys
Y Drenewydd
Machynlleth
Trefaldwyn
Y Trallwng
Llanfair Caereinion
Llanfyllin
Llanidloes
Trefyclo
Rhaeadr Gwy
Aberhonddu
Aber-craf
Crucywel
Llandrindod 
Llanfair ym Muallt
Llanwrtyd 
Y Gelli Gandryll
Llanandras
Talgarth

Rhanbarth y Gorllewin

Sir Gaerfyrddin
Llanelli
Caerfyrddin
Cydweli
Pont-iets
Rhydaman
Y Tymbl
Castellnewydd Emlyn
Llandysul
Llandeilo
Llanymddyfri
Hendy-gwyn

Sir Benfro
Hwlffordd
Aberdaugleddau
Abergwaun
Tyddewi
Arberth
Doc Penfro
Dinbych-y-Pysgod
Crymych
Ynys Bŷr

Rhanbarth y De

Neath Port Talbot
Glyn-nedd
Y Cymer
Blaendulais
Pontardawe
Dyffryn Aman

Abertawe
Tre Rheinallt

Barod i ymgeisio?

Llenwch ein ffurflen mynegi diddordeb os gwelwch yn dda a bydd aelod o'n Tîm Adnoddau Dynol mewn cysylltiad cyn gynted â phosibl.

Cais i Ddychwelyd i Gyflogaeth (Ar Alwad yn Unig)

Gellir cynnig yr opsiwn o "ddychwelyd i gyflogaeth" pan fydd gweithiwr wedi terfynu ei Gontract Ar Alwad â GTACGC, a hynny'n wirfoddol, ac yn gofyn am ddychwelyd i gyflogaeth o fewn pedair blynedd i'r diwrnod dyletswydd diwethaf sydd wedi'i gofnodi ar ei gyfer. Mae'r cyfleuster hwn ar gael i'r cyflogeion hynny sy'n dymuno dychwelyd i rôl diffoddwr tân, a'r cyflogeion hynny yn unig. Er bod personél a fu yn Rheolwyr Criw neu Reolwyr Gwylfa yn flaenorol yn gymwys i wneud cais, dim ond i rôl diffoddwr tân y gallant ddychwelyd.

Llenwch ein ffurflen dychwelyd i wasanaeth os gwelwch yn dda a bydd aelod o'n Tîm Adnoddau Dynol mewn cysylltiad cyn gynted â phosibl.

Ein Gweledigaeth ac Ymddygiadau

Gweledigaeth Gwasanaeth Tân ac Achub Canolbarth a Gorllewin Cymru yw darparu’r gwasanaeth gorau posibl i gymunedau Canolbarth a Gorllewin Cymru.

Mae Ymddygiadau Gwasanaeth Tân ac Achub Canolbarth a Gorllewin Cymru’n amlinellu sut mae’r Gwasanaeth yn disgwyl i bob aelod o staff i:

• Fod yn Atebol
• Fod yn Barchus
• Fod yn Ddiduedd
• Fod yn Foesegol
• Ddangos Uniondeb

Bydd ymgeiswyr yn cael eu hasesu yn erbyn yr ymddygiadau hyn drwy gydol y broses recriwtio.

Diogelu

Mae Gwasanaeth Tân ac Achub Canolbarth a Gorllewin Cymru yn ymrwymedig i ddiogelu a hyrwyddo lles plant a phobl ifanc, a disgwylir i'r holl staff a gwirfoddolwyr rannu'r ymrwymiad hwn. Bydd yr ymgeisydd llwyddiannus yn destun gwiriad DBS a geirdaon boddhaol.

Technolegydd Dysgu ac Arloesi

Adran Datblygu Pobl a Datblygu Sefydliadol, Earlswood

Gradd 6: £32,061 - £33,699

Dewch â dysgu’n fyw a helpwch i lunio dyfodol hyfforddiant digidol o fewn ein Gwasanaeth!
Rydym yn chwilio am Dechnolegydd Dysgu ac Arloesi creadigol a thechnolegol i ddylunio profiadau dysgu sy’n defnyddio AI, offer amlgyfrwng a meddalwedd efelychu uwch fel XVR.

Yn y swydd ymarferol hon, byddwch yn adeiladu pecynnau e-ddysgu rhyngweithiol, yn cefnogi ein platfformau dysgu digidol (pdrPro, CMS, LearnPro), ac yn cydweithio ag arbenigwyr pwnc i droi syniadau cymhleth yn hyfforddiant difyr a hygyrch. Byddwch yn helpu i sbarduno arloesedd, i gefnogi staff ar draws y Gwasanaeth, ac i aros ar flaen y gad o ran dysgu digidol a thechnolegau ymgolli.

Y Swydd
Bydd ein Technolegydd Dysgu ac Arloesi yn helpu i roi bywyd i hyfforddiant a datblygiad ar draws y Gwasanaeth. Byddwch yn creu profiadau dysgu modern, rhyngweithiol gan ddefnyddio meddalwedd efelychu megis XVR, AI, ac offer dylunio amlgyfrwng. Byddwch hefyd yn helpu i reoli ein llwyfannau dysgu digidol, gan sicrhau bod staff yn gallu cael mynediad at hyfforddiant yn hawdd a bod systemau'n rhedeg yn esmwyth. Byddwch yn gweithio'n agos gyda hyfforddwyr ac arbenigwyr pwnc i droi senarios y byd go iawn yn gynnwys digidol diddorol sy'n cefnogi datblygiad pawb. Dyma swydd ddelfrydol os ydych chi'n mwynhau creadigrwydd, technoleg, a gwneud gwahaniaeth gwirioneddol yn y ffordd y mae pobl yn dysgu

Mae hon yn swydd lawn amser, 37 awr yr wythnos gydag oriau hyblyg yn unol â chynllun oriau hyblyg y Gwasanaeth.

Ymholiadau
Am ragor o wybodaeth am y swydd hon, cysylltwch â Nick Jones – SMB Datblygu Pobl a Datblygu Sefydliadol ng.jones@mawwfire.gov.uk

Gwneud cais am y swydd
I wneud cais am y rôl, ewch i'n gwefan https://www.mawwfire.gov.uk/cym/ymunwch-a-ni/swyddi-gwag-cyfredol/

Dylid dychwelyd ffurflenni wedi'u llenwi ar e-bost i humanresources@mawwfire.gov.uk

Dylech chi gynnwys copïau o’ch cymwysterau gyda’r cais.

Dyddiad Cau
25 Mawrth 2026

Pecyn Cais Am Swydd
Ffurflen Gais
Ffurflen Cyfle Cyfartal
Canllawiau Gwneud Cais

Yr Iaith Gymraeg
Noder y croesewir ceisiadau yn Gymraeg, ac na fydd unrhyw geisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.

Cydlynydd Lles Dros Dro

Adran Adnoddau Dynol, Pencadlys y Gwasanaeth, Caerfyrddin

Gradd 6: £32,061 - £33,699

Mae Gwasanaeth Tân ac Achub Canolbarth a Gorllewin Cymru yn chwilio am geisiadau gan unigolion ar gyfer rôl Cydlynydd Lles Dros Dro o fewn yr Adran Adnoddau Dynol sydd wedi'i lleoli ym Mhencadlys y Gwasanaeth, Caerfyrddin. Mae hon yn rôl dros dro 2 flynedd.

Y Swydd
Rydym yn chwilio am unigolyn rhagweithiol a threfnus i helpu i yrru'r gwaith o gyflawni Strategaeth a Chynllun Gweithredu Lles Gwasanaeth Tân ac Achub Canolbarth a Gorllewin Cymru. Yn y rôl ganolog hon, byddwch yn cydlynu mentrau lles ar draws y Gwasanaeth, yn cefnogi'r Grŵp Gwaith Lles, ac yn arwain ymgyrchoedd, digwyddiadau a gweithgareddau sy'n cyd-fynd â'n saith piler lles. Byddwch yn cydweithio'n agos â thimau mewnol a phartneriaid allanol i hyrwyddo diwylliant o iechyd, gwydnwch a chynhwysiant, wrth gasglu a dadansoddi data lles i lywio gwelliant parhaus.

Mae'r rôl hefyd yn cynnwys datblygu adnoddau, cynnal cyfathrebu lles, cefnogi rheolwyr gydag arweiniad ymarferol, a sicrhau bod ein darpariaeth lles yn diwallu anghenion amrywiol ein gweithlu. Mae hwn yn gyfle cyffrous i wneud effaith ystyrlon ar les staff ar draws y sefydliad.

Swydd amser llawn, yn gweithio 37 awr yr wythnos gydag oriau hyblyg yn unol â chynllun amser hyblyg y Gwasanaeth.

Ymholiadau
Am ragor o wybodaeth ynglŷn â'r swydd hon, cysylltwch â Rheolwr Adnoddau Dynol, Lizzie Jones ar lizzie.jones@mawwfire.gov.uk

Gwneud cais am y rôl
I wneud cais am y rôl hon, llenwch y ffurflen gais sydd, gan gyfeirio at y meini prawf a nodir yn y Swydd-ddisgrifiad a Manyleb y Person.

Dylid dychwelyd ffurflenni wedi'u llenwi trwy e-bost i: AdnoddauDynol@tancgc.gov.uk.

Mae Gwasanaeth Tân ac Achub Canolbarth a Gorllewin Cymru yn ymrwymedig i ddiogelu a hyrwyddo lles plant a phobl ifanc, a disgwylir i'r holl staff a gwirfoddolwyr rannu'r ymrwymiad hwn. Bydd yr ymgeisydd llwyddiannus yn destun gwiriad DBS a geirdaon boddhaol.

Noder y croesewir ceisiadau yn Gymraeg, ac na fydd unrhyw geisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.

Dyddiad Cau
11 Mawrth 2026 am 1630yp

Pecyn Cais Am Swydd
Ffurflen Gais
Ffurflen Cyfle Cyfartal
Canllawiau Gwneud Cais

Yr Iaith Gymraeg
Noder y croesewir ceisiadau yn Gymraeg, ac na fydd unrhyw geisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.