Nos Fercher, 21 Mai, cynhaliodd Gorsaf Dân Crucywel ddigwyddiad Gwerthfawrogi Criw a Theulu, gan groesawu teulu a ffrindiau i ddathlu gyda'r criw yn ystod eu noson ymarfer.
Perfformiodd y criw orymdaith ac yna cynhaliwyd cyflwyniad gwerthfawrogi teuluoedd lle cafodd y criw a'u teuluoedd eu canmol am eu hymroddiad, eu dealltwriaeth a'u hymrwymiad i'r Gwasanaeth. Cafodd pob teulu fag o gynnyrch cigydd am ddim, a gyflenwyd yn lleol gan Cashells Butchers, ynghyd â thystysgrif.
Hefyd, yn ystod y noson cyflwynwyd tystysgrif i'r Rheolwr Criw Jamie Jones a'i ganmol am 30 mlynedd yn y Gwasanaeth.
Mae’r Rheolwr Criw Jones yn gweithio ochr yn ochr â'i fab y Rheolwr Criw Harri Jones, gan gyflenwi yng Ngorsaf Dân Crucywel tra hefyd yn rhedeg eu garej deuluol. Pan ddaw galwadau, maent yn cau eu garej nes iddynt ddychwelyd, gan ddangos y mesurau y maent yn eu cymryd yn rheolaidd i sicrhau bod criw Crucywel yn gallu ymateb i alwadau brys.
Hoffem fanteisio ar y cyfle hwn i ddiolch i'r Rheolwr Criw Jamie Jones am ei ymrwymiad a'i ymroddiad parhaus i amddiffyn ei gymuned.
Dywedodd y Rheolwr Gorsaf Simon Prince: