18.12.2024

Digwyddiad: Tân Mewn Adeilad Diwydiannol ym Mhontardawe

Ddydd Llun, Rhagfyr 16eg, ymatebodd criwiau Gwasanaeth Tân ac Achub Canolbarth a Gorllewin Cymru o Orsafoedd Tân Pontardawe, Dyffryn Aman, Rhydaman, Port Talbot, Treforys, Castell-nedd, Abercraf, Glyn-nedd, Gorllewin Abertawe, Llandeilo, Pontarddulais, Caerfyrddin, Y Tymbl a Llanelli, gyda chymorth criwiau Gwasanaeth Tân ac Achub De Cymru, i dân mewn adeilad diwydiannol ar Heol Pontardawe ym Mhontardawe.

Gan Steffan John



Am 2.57yb ddydd Llun, Rhagfyr 16eg, cafodd criwiau Gwasanaeth Tân ac Achub Canolbarth a Gorllewin Cymru o Orsafoedd Tân Pontardawe, Dyffryn Aman, Rhydaman, Port Talbot, Treforys, Castell-nedd, Abercraf, Glyn-nedd, Gorllewin Abertawe, Llandeilo, Pontarddulais, Caerfyrddin, Y Tymbl a Llanelli, gyda chymorth criwiau Gwasanaeth Tân ac Achub De Cymru (GTADC) eu galw i ddigwyddiad ar Heol Pontardawe ym Mhontardawe.

Ymatebodd criwiau i dân o fewn adeilad diwydiannol un llawr, yn mesur tua 60 metr wrth 40 metr.  Roedd yr adeilad cyfan ar dân.  I ddechrau, roedd criwiau yn wynebu tân a oedd yn datblygu’n gyflym ac yn cynnwys unedau storio a nifer o gemegau a ddefnyddir mewn gweithgynhyrchu.  Yn sgil yr heriau o ran cael digon o ddŵr i’r safle, cynyddodd criwiau’r digwyddiad yn gyflym i gynnwys deg peiriant pwmpio, offer ysgol trofwrdd, Uned Rheoli Digwyddiadau, pum tancer dŵr, gyda thri ohonynt yn dod o GTADC, criw drôn, Uned Pwmpio Cyfaint Uchel, nifer o swyddogion i gefnogi Rheoli’r Digwyddiad a gwybodaeth deunyddiau peryglus a phartneriaid amlasiantaeth o Heddlu De Cymru, Ymddiriedolaeth Gwasanaethau Ambiwlans Cymru ac Adran Priffyrdd Cyngor Castell-nedd Port Talbot.

Gweithiodd criwiau’n eithriadol o galed y tân yn yr unedau storio cefn rhag amharu ar strwythur y prif adeilad a gwerthfawrogwyd yn fawr gan berchnogion y safle.  Daeth y digwyddiad i ben ychydig cyn 3yb ddydd Mawrth, Rhagfyr 17eg.

Nid oedd yna unrhyw gleifion yn y digwyddiad hwn.




Gwnewch Wahaniaeth a Dewch yn Ddiffoddwr Tân Ar Alwad



Mae Diffoddwyr Tân Ar Alwad yn rhan hanfodol o’n Gwasanaeth ac eich cymuned.

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio Diffoddwyr Tân Ar Alwad ym mhob un o’n Gorsafoedd Tân Ar Alwad.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.

Erthygl Flaenorol Erthygl Nesaf