Ddydd Iau, 20 Tachwedd, cynhaliodd Gwasanaeth Tân ac Achub Canolbarth a Gorllewin Cymru ddigwyddiad i nodi Diwrnod Rhyngwladol y Dynion yng Ngwesty'r Diplomat, Llanelli.
Roedd y diwrnod yn canolbwyntio ar greu lle i gynnal sgyrsiau agored a gonest ynghylch iechyd dynion, lles meddyliol a phwysigrwydd cefnogi pob agwedd ar les dynion – o fewn a thu allan i'r gweithle.
Fe wnaeth Steven a Shane o’n Tîm Ffitrwydd gynnal sesiwn ddifyr am iechyd a ffitrwydd, gan siarad am sawl pwnc gan gynnwys iechyd cyffredinol, hobïau, rheoli amser, ac rheoli disgwyliadau.
Roeddem hefyd yn falch iawn o gael croesawu dau siaradwr allanol: Yr hyfforddwr meddylfryd rhyngwladol Mick Stott a'r teithiwr a'r siaradwr arobryn Charlie Walker.
Mae gan Mick ddegawdau o brofiad gyda'r lluoedd arfog ac o hyfforddi perfformiad ar y lefel uchaf. Roedd ei weithdy yn cynnwys trafodaeth agored a sesiwn holi ac ateb a oedd yn trafod iechyd meddwl, trawma ac atal hunanladdiad, gan gynnig dulliau ymarferol i adeiladu gwytnwch.
Yn y prynhawn, tro Charlie oedd hi i gamu ar y llwyfan i rannu straeon pwerus o'i deithiau i bedwar ban byd. Roedd ei sgwrs yn tynnu sylw at yr heriau iechyd meddwl y mae o ei hun wedi’u hwynebu, ac yn cynnig dealltwriaeth werthfawr ar geisio cymorth a goresgyn heriau.