02.04.2026

Gorsaf Dân yn Casglu Dros £1,000 ar Gyfer Elusen

Bu dau Ddiffoddwr Tân Gwasanaeth Tân ac Achub Canolbarth a Gorllewin Cymru yn cymryd rhan yn The Great Tommy Sleep Out yn ddiweddar, gan gasglu dros £1,000 i gefnogi cyn-filwyr sy'n wynebu digartrefedd.

Gan Steffan John

Categorïau



Bu dau Ddiffoddwr Tân Gwasanaeth Tân ac Achub Canolbarth a Gorllewin Cymru (GTACGC) yn cymryd rhan yn The Great Tommy Sleep Out yn ddiweddar, gan gasglu dros £1,000 i gefnogi cyn-filwyr sy'n wynebu digartrefedd.

Treuliodd y Rheolwr Gorsaf Paul Armes a’r Rheolwr Criw Simon Church o Ranbarth y Gogledd y Gwasanaeth (Powys a Cheredigion) nos Sadwrn, 28 Mawrth 2026 yng nghanol tref y Drenewydd ac yng Ngorsaf Dân y Drenewydd.

The Great Tommy Sleep Out yw prif ymgyrch codi arian y Royal British Veterans Enterprise.  Bob mis Mawrth, mae unigolion a grwpiau yn ildio noson neu ddwy o gysur er mwyn gwella ymwybyddiaeth a chasglu arian hanfodol i gyn-filwyr sy'n wynebu digartrefedd.  Mae miloedd o gyn-bersonél y gwasanaethau yn wynebu digartrefedd, ac mae'r ymgyrch yn helpu i ddarparu cartrefi diogel, cymorth iechyd meddwl a llwybr yn ôl at annibyniaeth.  Trwy haelioni eu cefnogwyr, llwyddodd Paul a Simon i ragori ar y nod o gasglu £1,000.



Wrth fyfyrio ar y profiad, dywedodd y Rheolwr Gorsaf, Paul Armes:

"Roedd cymryd rhan yn The Great Tommy Sleep Out yn ysbrydoli ac yn gwneud i rywun deimlo’n wylaidd, gan gynnig cipolwg bach ar yr heriau sy'n wynebu'r rhai sydd heb lety diogel.

Er na chafwyd noson dawel, gyda'r criw a'r injan dân yn ymateb i sawl galwad, rydym yn hynod ddiolchgar am y gefnogaeth rydyn ni wedi'i chael."



Mae tudalen JustGiving Paul a Simon yn dal i fod ar agor i chi gyfrannu, gyda'r holl elw yn mynd yn uniongyrchol i ymgyrch The Great Tommy Sleep Out.




Y Rheolwr Criw Simon Church (ar y chwith) a'r Rheolwr Gorsaf Paul Armes (ar y dde).



Erthygl Flaenorol

Y Newyddion Diweddaraf

GWELD POB NEWYDDION