Gweithio mewn partneriaeth – Ymarfer Llosgi Dan Reolaeth ym Mhenlan

Ddydd Iau, 6 Mawrth, gweithiodd Tîm Lleihau Tanau Bwriadol Gwasanaeth Tân ac Achub Canolbarth a Gorllewin Cymru (GTACGC) a'r criw ar alwad o Orsaf Dân Abergwaun mewn cydweithrediad â Pharc Cenedlaethol Arfordir Penfro i gynnal ymarfer llosgi dan reolaeth ym Mhenlan, Cwm Gwaun, Sir Benfro.

Cynhaliwyd yr ymarfer i ddangos dull partneriaeth o liniaru tanau gwyllt a rheoli llystyfiant, yn ogystal â gwella galluoedd diffodd tanau a chryfhau ein hymateb cymunedol i danau gwyllt. Roedd yr ardaloedd a dargedwyd ar gyfer yr ymarfer llosgi hwn yn fach, gan losgi cyfanswm o bum ardal fach oedd yn gorchuddio tua 1% o safle Penlan.

Dywedodd Arwel Evans - Swyddog Cadwraeth Ffermydd o Barc Cenedlaethol Arfordir Penfro:

Trwy rannu adnoddau, gwybodaeth ac arbenigedd rydym yn dysgu mesurau atal mwy effeithiol, yn anelu at leihau risgiau tanau gwyllt, a gwella ymwybyddiaeth y cyhoedd i amddiffyn pobl a'r amgylchedd naturiol.

Cofiwch fod dechrau tân bwriadol yn drosedd.  Gallwch roi gwybod yn ddienw am dân bwriadol drwy ffonio CrimeStoppers Cymru ar 0800 555111.  Mewn argyfwng, ffoniwch 999 bob tro.

Am ragor o wybodaeth am Losgi dan Reolaeth, ewch i'n gwefan: #LlosgiIAmddiffyn