Hyfforddi i Ddefnyddio Dronau Chwilio ac Achub

Mae defnyddio dronau mewn digwyddiadau brys yn cynnig nifer o fanteision sylweddol i griwiau GTACGC a Thîm USAR Cymru, sy’n cynnwys:

• Gwell diogelwch – gall dronau asesu sefyllfaoedd peryglus o'r awyr, gan leihau'r angen i bersonél y gwasanaethau brys fynd i mewn i amgylcheddau peryglus yn uniongyrchol. Mae hyn yn helpu i leihau'r risg i fywyd dynol yn ystod tanau, cwympiadau strwythurol ac argyfyngau eraill.
• Gwell ymwybyddiaeth o’r sefyllfa – mae dronau’n darparu gwybodaeth ‘Ground Truth’ amser real, sy’n gwella’n fawr allu Rheolwyr Digwyddiad i lunio cynllun i ymdrin â digwyddiad.
• Asesiad cyflym – mae dronau yn darparu golygfeydd awyr cyflym o leoliadau digwyddiadau, gan ganiatáu ar gyfer asesu sefyllfaol, gwneud penderfyniadau a dyrannu adnoddau yn gyflymach.
• Gwell hygyrchedd – gall dronau gyrraedd ardaloedd sy'n anodd neu'n amhosibl i bersonél y tir gael mynediad iddynt, megis adeiladau uchel neu strwythurau ansefydlog.
• Delweddu thermol – gall dronau gyda chamerâu delweddu thermol ganfod ffynonellau gwres, monitro lledaeniad gwres a helpu i leoli cleifion, yn enwedig mewn dŵr.

Mae GTACGC yn ddiolchgar am gymorth ystafell reoli Gwasanaeth Awyr Cenedlaethol yr Heddlu i brofi gweithdrefnau cyfathrebu ar y cyd i sicrhau gofod awyr mwy diogel i bob asiantaeth.