21.10.2025

Ras Beiciau Modur Elusennol i Ddangos Gwerthfawrogiad i’r Gwasanaeth Tân ac Achub

Ddydd Sul, Awst 31, cynhaliwyd ras beiciau modur i gasglu arian ar gyfer Elusen y Diffoddwyr Tân ac i fynegi gwerthfawrogiad i Wasanaeth Tân ac Achub Canolbarth a Gorllewin Cymru.

Gan Steffan John

Categorïau



Ddydd Sul, Awst 31, cynhaliwyd ras beiciau modur i gasglu arian ar gyfer Elusen y Diffoddwyr Tân ac i fynegi gwerthfawrogiad i Wasanaeth Tân ac Achub Canolbarth a Gorllewin Cymru (GTACGC).

Cafodd y ras beiciau modur ei threfnu gan Frank Evans o Bost-mawr (Synod Inn), a daeth dros 100 o gyfranogwyr a 33 o feiciau i ymuno. Roedd y daith yn dilyn yr arfordir o Lanarth i Abergwaun, gan groesi i Hwlffordd cyn dychwelyd i Aberaeron dros Fynyddoedd y Preseli.

Trefnodd Mr Evans y digwyddiad ar ôl ei brofiad personol gyda GTACGC.  Ar Ddydd San Steffan 2024, aeth criwiau GTACGC o Orsafoedd Tân Cei Newydd, Aberaeron a Llandysul i gartref Mr Evans ar ôl i dân gydio yn nho’r eiddo.  Diffoddwyd y tân yn gyflym gan y criwiau, gan ei atal rhag lledaenu i weddill yr eiddo.

Trefnodd Mr Evans y ras beiciau modur i fynegi ei werthfawrogiad i'r Gwasanaeth Tân ac Achub am eu hymateb brys a'u gwaith parhaus i ddiogelu’r gymuned leol. Llwyddodd gasglu’r swm gwych o £1,221 i Elusen y Diffoddwyr Tân, sy'n cynnig cymorth gydol oes i les meddyliol, corfforol a chymdeithasol Diffoddwyr Tân sy'n gwasanaethu, diffoddwyr tân sydd wedi ymddeol, eu teuluoedd, a phersonél Achub Tân a Gwasanaeth eraill.




Gwelwyd yn y llun uchod yw Mr Evans yn cyflwyno siec ar gyfer Elusen y Diffoddwyr Tân i Ddiffoddwyr Tân yng Ngorsaf Dân Cei Newydd.






Dewch yn Ddiffoddwr Tân Ar Alwad a Gwnewch Wahaniaeth Go Iawn

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio ar gyfer Diffoddwyr Tân Ar Alwad.  Mae Diffoddwyr Tân Ar Alwad yn rhan hanfodol o’n Gwasanaeth ac eich cymuned.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.

 MWY O WYBODAETH
Erthygl Flaenorol

Y Newyddion Diweddaraf

GWELD POB NEWYDDION