Rhanbarth y De

A wyddech chi...
Mae Gorsaf Canol Abertawe yn gwasanaethu dinas Abertawe a chymdogaethau cyfagos Penlan, Blaen-y-maes, St Thomas, Bôn-y-maen a Hafod. Hon yw gorsaf brysuraf Gwasanaeth Tân ac Achub Canolbarth a Gorllewin Cymru, ac anfonodd griwiau allan i 4297 o alwadau rhwng Ebrill 2013 a Mawrth 2016.

A wyddech chi...
Lleolir Gorsaf Dân Gorllewin Abertawe yn Lôn Sgeti, Abertawe, ger Ysbyty Singleton. Mae'r lleoliad hwn yn caniatáu mynediad hawdd a chyflym i ochr orllewinol Abertawe gan gynnwys y Mwmbwls, Gŵyr, Cilâ a Townhill, ac ati.

A wyddech chi...
Adeiladwyd Gorsaf Dân Gorseinon yn y 1960au ar safle Brigâd Dân Abertawe gynt. Mae'r orsaf yn gwasanaethu maestrefi prysur Abertawe a chymunedau Gorseinon, Casllwchwr, Tregŵyr, Penclawdd a Phenlle'r-gaer.

A wyddech chi...
Mae gorsaf Pontarddulais yn darparu gwasanaeth a chymorth brys ar gyfer maestrefi prysur Abertawe a chymunedau Pontarddulais, Pont-lliw, yr Hendy, Llanedi, Pont Abraham a Waun-gron. Mae'r orsaf hefyd yn orsaf ddŵr benodedig; mae personél yn cael hyfforddiant er mwyn darparu cymorth mewn digwyddiadau dŵr llonydd, h.y. llifogydd.

A wyddech chi...
Mae diffoddwyr tân yn yr orsaf hon yn derbyn hyfforddiant ychwanegol er mwyn darparu ymateb  meddygol, ar y cyd â'r gwasanaeth ambiwlans, mewn digwyddiadau lle y mae bywyd yn y fantol yn eu cymuned leol.

A wyddech chi...
Mae Gorsaf Dân Treforys yn gwasanaethu cyrion Abertawe, sef un o'r dinasoedd sy'n tyfu gyflymaf yn y Deyrnas Unedig, ac mae'n cwmpasu cymunedau Bôn-y-maen, y Clas, Clydach, Gellifedw, Blaenymaes, Glandŵr, Llansamlet, Winch Wen, Plasmarl, Brynhyfryd, Trallwn, Pentre-chwyth ac Ynystawe. Mae'r orsaf yn rhannu'i chyfleusterau ag Ymddiriedolaeth Gwasanaeth Ambiwlans Cymru sy'n lleoli un ambiwlans a chriw yno.

A wyddech chi...
Mae Gorsaf Dân Blaendulais yn gwasanaethu ardal sy'n ymestyn o Amgueddfa Glofa Cefn Coed yng ngwaelod y cwm i fyny i bentrefi Banwen ac Onllwyn ym mhen uchaf y cwm, ac mae'n gwasanaethu poblogaeth o 5000. Y brif risg ar gyfer Blaendulais a'i chymunedau cyfagos yw'r rhwydwaith o ffyrdd A a B sy'n mynd i Gastell-nedd a'r cymoedd cyfagos.

A wyddech chi...
Mae Gorsaf Castell-nedd yn darparu ymateb Tân ac Achub ar gyfer tref Castell-nedd, Cwm Nedd, Cwm Dulais a Chwm Afan. Mae'n ymateb i amrywiaeth o ddigwyddiadau, gan gynnwys rhai lle mae bywyd yn y fantol, sy'n digwydd yn bennaf yn yr ardaloedd adeiledig ac ar brif ffyrdd prifwythiennol yr A465 a'r M4.

A wyddech chi...
Mae diffoddwyr tân yn yr orsaf hon yn derbyn hyfforddiant ychwanegol er mwyn darparu ymateb  meddygol, ar y cyd â'r gwasanaeth ambiwlans, mewn digwyddiadau lle y mae bywyd yn y fantol yn eu cymuned leol.

A wyddech...
Agorwyd Gorsaf Dân Dyffryn Aman ar 25ain Medi 2012. Lleolir yr orsaf newydd yng Ngwauncaegurwen, ac mae'n darparu ein hymateb Tân ac Achub yn Nyffryn Aman. Mae'r orsaf newydd yn darparu amrywiaeth o gyfleusterau y caiff grwpiau cymunedol lleol eu defnyddio.

A wyddech chi...
Mae Gorsaf Dân Glyn-nedd yn gwasanaethu poblogaeth o 8000. Codwyd yr adeilad yn y 1970au ac mae wedi'i leoli yn Wellfield Place wrth ochr yr orsaf ambiwlans leol. Mae'r orsaf yn gwasanaethu tref Glyn-nedd ac ardaloedd cyfagos Resolfen, Cwmgwrach, Pontneddfechan ac Ystradfellte a'i sgydau hardd.

A wyddech chi...
Mae Pontardawe yng nghalon Cwm Tawe ac mae ganddi boblogaeth o 26,500. Ar un adeg, roedd Pontardawe yn ganolfan ddiwydiannol a oedd yn ffynnu ac yn gartref i Gamlas Abertawe. Pontardawe sy’n cynnal yr Ŵyl Gelfyddydau enwog sy’n denu miloedd o ymwelwyr i’r ardal.

A wyddech chi...
Mae gan dref Port Talbot boblogaeth o 45,600 sy'n golygu mai hon yw'r ardal ail fwyaf poblog ym Mwrdeistref Sirol Castell-nedd Port Talbot. Lleolir Gorsaf Dân Port Talbot y tu cefn i Heol Commercial, Taibach ac mae'n gwasanaethu ardaloedd wardiau Margam, Taibach, Dwyrain Sandfields, Gorllewin Sandfields, Port Talbot, Aberafan, Bryn, Cwmafan a Baglan.

A wyddech chi...
Caiff Gorsaf Dân y Cymer ei chriwio gan Bersonél ar Ddyletswydd yn ôl Galw ac mae'n gwasanaethu poblogaeth o 5,283. Mae'r orsaf hefyd yn cefnogi'r Gwasanaeth Ambiwlans trwy ddarparu llety a chyfleusterau lles ar gyfer parafeddygon.