Mae GTACGC yn annog y cyhoedd i gymryd gofal ychwanegol yn y dŵr ac o amgylch dŵr gyda’r tywydd cynhesach ar y gorwel. Daw'r alwad fel rhan o ymgyrch #DeallPeryglonDŵr blynyddol Cyngor Cenedlaethol y Penaethiaid Tân (NFCC).
Yn rhedeg o ddydd Llun 27 Ebrill i ddydd Sul 3 Mai, mae'r ymgyrch yn tynnu sylw at y risg barhaus o foddi damweiniol, sy’n risg y gellir ei atal. Mae ffigyrau'n dangos bod 1,602 o bobl yn y DU wedi colli eu bywydau rhwng 2019 a 2024 drwy foddi’n ddamweiniol. Digwyddodd 56% (901) mewn dyfroedd mewndirol fel afonydd, llynnoedd a chronfeydd dŵr. Yn frawychus, nid oedd gan hanner y bobl a foddodd unrhyw fwriad i fynd i mewn i'r dŵr, gyda llithro, baglu a chwympo wedi'u nodi fel prif achosion.
Mae'r data hefyd yn dangos bod 82% o farwolaethau boddi damweiniol yn digwydd i ddynion, gan bwysleisio'r angen am fwy o ymwybyddiaeth ymhlith y rhai sydd fwyaf mewn perygl. Mae'r neges yn glir: mae diogelwch dŵr yn dechrau ar y tir, a gall dewisiadau syml ger y dŵr achub bywydau.
Mae'r ymgyrch hefyd yn rhybuddio rhag peryglon mynd i ddŵr agored i oeri. Gall llawer o bobl, yn enwedig y rhai nad ydynt yn gyfarwydd â nofio awyr agored, danamcangyfrif risgiau cudd. Mae peryglon tanddwr a thymheredd dŵr sy’n gyson yn isel yn golygu bod sioc dŵr oer yn parhau i fod yn berygl gwirioneddol, hyd yn oed ar ddiwrnodau poeth. Gall hyn wneud i chi gymryd anadl anwirfoddol, anadlu’n gyflym, mynd i banig, a cholli’r gallu i nofio yn sydyn, gan gynyddu'r risg o foddi'n sylweddol.
Dywedodd Gavin Ellis, arweinydd Atal Boddi Cyngor Cenedlaethol y Penaethiaid Tân: