13.01.2025

Digwyddiad: Tân Mewn Eiddo yn Y Trallwng

Ddydd Llun, Ionawr 13eg, ymatebodd criwiau Gwasanaeth Tân ac Achub Canolbarth a Gorllewin Cymru o Orsafoedd Tân Y Trallwng, Llanfair Caereinion, Trefaldwyn, Llanfyllin a’r Drenewydd, gyda chefnogaeth criwiau Gwasanaeth Tân ac Achub Swydd Amwythig, i dân mewn eiddo ar Stryd Berriew yn Y Trallwng.

Gan Steffan John

Categorïau

Am 9.10yb ddydd Llun, Ionawr 13eg, cafodd criwiau Gwasanaeth Tân ac Achub Canolbarth a Gorllewin Cymru o Orsafoedd Tân Y Trallwng, Llanfair Caereinion, Trefaldwyn, Llanfyllin a’r Drenewydd, gyda chefnogaeth criwiau Gwasanaeth Tân ac Achub Swydd Amwythig, eu galw i ddigwyddiad ar Stryd Berriew yn Y Trallwng.

Ymatebodd y criwiau i dân o fewn fflat ar ail lawr adeilad tri llawr sy’n cynnwys eiddo masnachol a domestig.  Defnyddiodd y criwiau wyth set o offer anadlu, dwy chwistrell olwyn piben, un chwistrell 45mm ac ysgolion i ddiffodd y tân.

Roedd yr holl drigolion yn bresennol a derbyniodd un claf driniaeth feddygol yn y fan a’r lle.  Roedd Heddlu Dyfed-Powys hefyd yn bresennol ac roedd y ffordd ar gau tra bod y digwyddiad yn mynd ymlaen.  Gadawodd y criwiau am 12.36yp.

Llun gan Powys County Times.

Dewch yn Ddiffoddwr Tân Ar Alwad a Gwnewch Wahaniaeth Go Iawn

Mae Diffoddwyr Tân Ar Alwad yn rhan hanfodol o’n Gwasanaeth ac eich cymuned.

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio Diffoddwyr Tân Ar Alwad ym mhob un o’n Gorsafoedd Tân Ar Alwad.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.

MWY O WYBODAETH
Erthygl Flaenorol Erthygl Nesaf

Y Newyddion Diweddaraf

GWELD POB NEWYDDION