Am 4.33yp ddydd Llun, 9 Medi cafodd criwiau Gwasanaeth Tân ac Achub Canolbarth a Gorllewin Cymru (GTACGC) o Orsafoedd Tân Castell-nedd a Phontardawe eu galw i ddigwyddiad ym Mryncoch, Castell-nedd.
Ymatebodd y criwiau i dân a ddinistriodd garafán fach yn llwyr. Defnyddiodd y criwiau un jet rîl pibell ac un camera delweddu thermol i ddiffodd y tân. Mae’n debyg mai hen silindr nwy a achosodd y tân. Gadawodd y criwiau’r safle am 5.12pm.
Diogelwch wrth Wersylla
Yn dilyn cyfres o danau mewn pebyll a charafannau yn ddiweddar, mae GTACGC yn atgoffa pobl am ddiogelwch o safbwynt carafannau a gwersylla.
Gall tanau mewn pebyll a charafannau ledaenu'n gyflym iawn ac yn aml gallant rwystro'r unig allanfa. Mae'n hollbwysig bod yn arbennig o wyliadwrus er mwyn osgoi tân rhag cychwyn.
Gall osgoi defnyddio dyfeisiau llosgi tanwydd – fel barbeciws, stofiau gwersylla a gwresogyddion - y tu mewn i babell a chaniatáu digon o le rhwng pebyll a charafannau leihau'r risg y bydd tân yn cychwyn ac yn lledaenu. Gellir dod o hyd i fwy o gyngor diogelwch ar gyfer gwersylla yma.