Diogelwch Trydanol

Rhybydd diogelwch - e-sigaréts sy'n ffrwydro

Cyhoeddwyd rhybudd cenedlaethol ynghylch peryglon tanau a achosir gan wefryddion e-sigaréts sy'n ffrwydro.

Rhoddwyd y bai ar y dyfeisiau hyn am fwy na 100 o danau dros y ddwy flynedd ddiwethaf.

Mae llawer o danau'n digwydd oherwydd nad yw rhai ysmygwyr e-sigaréts yn defnyddio gwefryddion cydweddol. Mae hyn yn golygu bod gormod o gerrynt yn llifo i'r batris gan achosi iddynt ordwymo, ac yna ffrwydro, gyda rhannau o'r batri'n tasgu allan ac yn achosi tân os byddant yn glanio ar ddeunyddiau llosgadwy.

Mae achosion a ddaeth i'r golwg yn ddiweddar yn cynnwys:

defnyddiwr e-sigarét yn ardal Glannau Mersi a biciodd allan o'i fflat, a dod yn ôl i weld mwg yn llenwi'i gartref ar ôl i wefrydd e-sigarét ffrwydro a rhoi'r gegin ar dân.
Mewn achos arall, bu farw dyn 62 flwydd oed ar ôl i fatri e-sigarét a oedd yn cael ei wefru ffrwydro a thanio offer ocsigen y credid bod y dyn yn eu defnyddio.

Gwefryddion Ffonau Symudol

Ystyrir bod ffonau symudol yn offer hanfodol bwysig y dyddiau hyn. Ond a wyddoch chi am y peryglon sy'n gysylltiedig â gwefryddion ffug ar gyfer ffonau symudol?

Bob blwyddyn, mae 1.8 miliwn o wefryddion yn cael eu prynu ar-lein yn y Deyrnas Unedig gan berchnogion ffonau symudol sy'n chwilio am fargen.

Er bod gwefryddion answyddogol wedi'u mewnforio yn gallu bod yn llawer rhatach i'w prynu, mae gwefryddion ffug ar gyfer ffonau symudol yn aml yn cynnwys cydrannau o ansawdd gwael nad ydynt yn bodloni rheolau diogelwch y Deyrnas Unedig. Ystyr hyn yw y gallant achosi anafiadau, siociau trydan, a thanau hyd yn oed.

I gael cyngor penodol ynghylch pwysigrwydd defnyddio'r gwefryddion cywir ar gyfer ffonau symudol iPhone, Blackberry, Samsung, Nokia, HTC, Motorola, LG a Sony, ewch i wefan Electrical Safety First

Rydym yn argymell eich bod yn gwneud y canlynol:

Gofalu eich bod yn dilyn y cyfarwyddiadau ar gyfer pob dyfais drydanol a'ch bod yn defnyddio'r gwefryddion cywir yn unol â chanllawiau'r gwneuthurwr. Os defnyddir y gwefrydd anghywir ar gyfer dyfais drydanol, ni fydd y batri mewnol yn gallu dygymod â'r foltedd gwahanol a gall fynd ar dân.
Rhoi'r gorau i ddefnyddio gwefrydd os ydych yn amau ei fod yn ddiffygiol neu'n un ffug.
Peidio â defnyddio gwefrydd os oes rhaid defnyddio grym i’w wthio i mewn i'r soced yn y wal, a pheidio â'i ddefnyddio mewn cebl estyn.
Dilyn cyfarwyddiadau'r gwneuthurwr ynghylch pa mor hir y dylid gwefru cynnyrch.
Prynu o siop rydych chi'n ei hadnabod ac yn ymddiried ynddi bob tro, prynu gan adwerthwr cymeradwy neu brynu'n uniongyrchol gan y gwneuthurwr sydd â'r un enw â'r ddyfais.
Gallai gwefryddion ffôn wedi'u plygio i mewn a'u gadael dros nos ordwymo ac achosi tanau.

Mae rhoi ffonau symudol i wefru ar ben llenni a deunyddiau, neu orchuddio ffôn sy'n gwefru yn risgiau tân penodol - PEIDIWCH Â RHOI FFÔN SYMUDOL SY'N GWEFRU O DAN EICH GOBENNYDD GYDA'R NOS - bydd y gobennydd yn atal aer rhag cylchdroi o gwmpas eich batri a’i gadw'n oer, gall y gwres sy'n datblygu ddifrodi eich batri ac achosi iddo fynd ar dân.

E-sigaréts

Peidiwch byth â gadael e-sigaréts yn gwefru am gyfnodau maith heb neb yn cadw llygad arnynt
Peidiwch â chymysgu cydrannau o e-sigaréts gwahanol
Defnyddiwch y gwefrydd a ddarparwyd yn unig
Gofalwch brynu eich e-sigarét o ffynhonnell ddibynadwy
Gwiriwch fod nod ardystio CE ar yr e-sigarét
Profwch eich larwm mwg yn rheolaidd
Cysylltwch â Safonau Masnach ag unrhyw bryderon am ddiogelwch e-sigaréts

Gwefru e-sigaréts yn ddiogel

Defnyddiwch y gwefrydd cywir a dilynwch gyfarwyddiadau'r gwneuthurwr bob amser
Peidiwch byth â gwefru batri sydd wedi cael ei ddifrodi, ei ollwng neu wedi cael ergyd
Peidiwch byth â phlygio gwefrydd i mewn i newidydd prif gyflenwad anghymeradwy
Gwiriwch fod eich batri wedi'i amddiffyn rhag gorwefru neu ordwymo
Peidiwch â gorwefru. Tynnwch y batri o'r gwefrydd pan fydd yn llawn
Peidiwch byth â gadael batri'n gwefru heb neb yn cadw golwg arno
Peidiwch â'i ddefnyddio os yw'n wlyb
Peidiwch â gordynhau'r atomeiddiwr wrth ei gysylltu â'r gwefrydd

Blancedi trydanol

Dilynwch gyfarwyddiadau’r gwneuthurwr bob amser wrth ddefnyddio eich blanced. Bydd hyn yn eich helpu i’w defnyddio a’i storio’n ddiogel, a bydd yn ymestyn oes eich blanced. Storiwch eich blanced yn wastad, nid wedi ei rholio, a pheidiwch â storio gwrthrychau eraill ar ei phen.
Dylid newid blancedi trydan bob 10 mlynedd a’u profi pob 2 flynedd. Holwch eich swyddfa Age Concern lleol, i weld a oes unrhyw un yn profi blancedi yn eich ardal.
Archwiliwch eich blanced am farciau llosg, difrod dŵr, llwydni neu wifrau noeth. Os welwch chi unrhyw un o’r rhain ar eich blanced yna peidiwch â’i defnyddio, newidiwch hi.
Peidiwch byth â defnyddio potel dŵr poeth nac yfed hylifau yn y gwely pan fod eich blanced drydan ynghlwm. Os fyddwch yn sarnu eich diod neu fod y botel dŵr poeth yn gollwng, fe fyddwch yn cymysgu dŵr a thrydan.

Arwyddion Perygl – am beth ddylech chi chwilio

Plygiau neu socedi sy’n teimlo’n boeth
Plygiau neu socedi gyda marciau llosg
Ffiwsiau sy’n chwythu heb reswm
Goleuadau’n fflachio
Peidiwch â chymryd siawns gyda thrydan. Os oes gennych bryderon, siaradwch â thrydanwr

Cyfrifiannell Gorlwytho Soced

Rhan fwyaf o bobl lidiau estyn yn eu cartrefi, gan ddefnyddio addaswyr bar 4-ffordd i gynyddu nifer y peiriannau y gallant gau'r i mewn i soced wal.

Fodd bynnag, er bod lle i dopio mewn pedwar offer, nid yw hyn yn golygu ei fod bob amser yn ddiogel i wneud hynny. Offer trydanol gwahanol yn defnyddio meintiau gwahanol o bŵer. Er mwyn osgoi'r risg o dân gorboethi ac, o bosibl, ni ddylech fyth blygio i mewn i estyniad offer arweiniol neu soced sydd gyda'i gilydd yn defnyddio mwy na 13 amp neu 3000 watt o ynni.

Defnyddiwch ein cyfrifiannell i blygio mewn rhai offer cartref nodweddiadol i weld yr effaith ar y llwyth, ac i gael awgrymiadau defnyddiol ar sut i osgoi gorlwytho eich socedi.

Daeth y Cyfrifiannell Soced atoch gan Safety Electrical First.

Am mwy o wybodaeth diogelwch ewch i http://www.electricalsafetyfirst.org.uk